ഇറച്ചിക്കോഴി : ഫാം വില കിലോയ്ക്ക് അറുപതിലും താഴെ, ചിക്കൻ വില പെട്ടെന്ന് കുത്തനെ കുറഞ്ഞതിന് കാരണം ഉത്തരേന്ത്യക്കാർ, മുട്ടവിലയും ഇടിഞ്ഞു

അടുത്ത ദിവസങ്ങളിൽ കോഴിയിറച്ചി വാങ്ങാനെത്തിയവർ ചിക്കന് ഇതെന്ത് പറ്റി എന്ന് മനസിലെങ്കിലും ചോദിച്ചു കാണും. ചുറ്റിലുമുള്ള സർവത്ര വസ്തുക്കൾക്കും വിലകയറുമ്പോൾ ചിക്കൻ വില അപ്രതീക്ഷിതമായി ഇടിയുകയായിരുന്നു. എന്നാൽ വില കുറഞ്ഞതിന്റെ പിന്നിലുള്ള കാരണം കൃത്യമായി പറയാൻ കച്ചവടക്കാർക്ക് കഴിയുന്നതുമില്ല. പ്രാദേശിക ഉത്പാദകരെ പൂട്ടിക്കാനുള്ള തമിഴ്നാട് കോഴി കുത്തക ലോബിയുടെ കള്ളക്കളിയാണ് പിന്നിലെന്ന് കണ്ടെത്തലാണ് വിലക്കുറവിന് പിന്നിലെന്ന് റിപ്പോർട്ടുകളുണ്ടായിരുന്നു. എന്നാൽ കോഴിവിലയിൽ വമ്പൻ ഇടിവ് സംഭവിച്ചത് രാജ്യ വ്യാപകമാണെന്ന് വിവരങ്ങളാണ് പുറത്ത് വരുന്നത്.

രണ്ടാഴ്ചയ്ക്കിടെ വിവിധ സംസ്ഥാനങ്ങളിൽ കോഴിവില അമ്പത് ശതമാനം വരെ താഴ്ന്നു. മഹാരാഷ്ട്രയിലും ഛത്തീസ്ഗഢിലുമാണ് ഏറ്റവും വിലകുറഞ്ഞത്. നൂറ്റിയിരുപതിൽ നിന്നും അറുപതിലേക്കാണ് ഇവിടെ ചിക്കൻ വില എത്തിയത്. അതേസമയം ചില ഉത്തരേന്ത്യൻ സംസ്ഥാനങ്ങളിൽ ഇത് അമ്പതിലും താഴെയാണ്. ഉത്തരേന്ത്യയിൽ ശ്രാവണ മാസം എത്തിയതോടെയാണ് ചിക്കൻ വില കുറയാൻ ആരംഭിച്ചത്. മാംസാഹാരം ഉപേക്ഷിക്കുന്നതിനാലാണ് ഡിമാന്റ് കുറഞ്ഞത്. അതേസമയം കനത്ത മഴയിൽ കോഴിക്കച്ചവടക്കാർ വിൽപ്പനയ്ക്ക് തിരക്ക് കൂട്ടിയതും വിലയിടിവിന് കാരണമായി. കോഴിയിറച്ചിക്കൊപ്പം കോഴിമുട്ടയുടെ വിലയിലും ഇടിവുണ്ട്. 35 ശതമാനത്തോളമാണ് മുട്ടയ്ക്ക് വില കുറഞ്ഞത്. എന്നാൽ കോഴിത്തീറ്റയുടെ വില ഉയർന്നു തന്നെ നിൽക്കുന്നതിനാൽ കോഴി വളർത്തുന്ന ഫാം ഉടമകളുടെ നെഞ്ചിടിപ്പ് ഈ ദിവസങ്ങളിൽ കൂടുകയാണ് .

നെ​ടു​മ​ങ്ങാ​ട് : ചിക്കൻ വി​ല 160ൽ​നി​ന്ന് 90നും ​താ​ഴേ​ക്കെ​ത്തി. വി​ല ഇ​നി​യും താ​ഴു​മെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. ആ​ടി​മാ​സ​ത്തി​ല്‍ മാം​സ​വി​ഭ​വ​ങ്ങ​ളോ​ട് ത​മി​ഴ്നാ​ട്ടു​കാ​ര്‍ക്കു​ള്ള താ​ൽ​പ​ര്യ​ക്കു​റ​വ് കാ​ര​ണം വ​ന്‍തോ​തി​ല്‍ കേ​ര​ള​ത്തി​ലേ​ക്ക് കോ​ഴി എ​ത്തി​യ​താ​ണ് വി​ല കു​റ​യാ​ന്‍ കാ​ര​ണ​മാ​യി പ​റ​യു​ന്ന​ത്.

ത​മി​ഴ്നാ​ട്ടി​ലെ ക​മ്പം, തേ​നി, ഉ​ത്ത​മ​പാ​ള​യം, ഗൂ​ഡ​ല്ലൂ​ര്‍, രാ​യ​പ്പ​ന്‍പെ​ട്ടി, നാ​മ​ക്ക​ല്‍ തു​ട​ങ്ങി​യ സ്ഥ​ല​ങ്ങ​ളി​ലെ ഫാ​മു​ക​ളി​ല്‍നി​ന്നാ​ണ് കേ​ര​ള​ത്തി​ലേ​ക്ക് കൂ​ടു​ത​ലാ​യി ഇ​റ​ച്ചി​ക്കോ​ഴി​ക​ളെ എ​ത്തി​ക്കു​ന്ന​ത്.

ക​ര്‍ക്ക​ട​ക​മാ​സ​ത്തി​ല്‍ കേ​ര​ള​ത്തി​ലും ഇ​റ​ച്ചി വി​ഭ​വ​ങ്ങ​ളോ​ട് പ്രി​യം കു​റ​വാ​ണ്. വി​വാ​ഹ സീ​സ​ണ​ല്ലാ​ത്ത​തും വി​ല ഇ​ടി​വി​ന് കാ​ര​ണ​മാ​യി. 90നും 100​നും ഇ​ട​യി​ലാ​ണ് ഇ​പ്പോ​ൾ ക​ട​ക​ളി​ൽ കോ​ഴി​യു​ടെ വി​ല.

അ​തേ​സ​മ​യം ഇ​റ​ച്ചി​ക്കോ​ഴി​യു​ടെ വി​ല കു​ത്ത​നെ ഇ​ടി​ഞ്ഞി​ട്ടും ഹോ​ട്ട​ലു​ക​ളി​ല്‍ ചി​ക്ക​ന്‍ വി​ഭ​വ​ങ്ങ​ള്‍ക്ക് പൊ​ള്ളു​ന്ന വി​ല​ത​ന്നെ​യാ​ണു​ള്ള​ത്.

ഇ​റ​ച്ചി​ക്കോ​ഴി​ക്ക് വി​ല കൂ​ടു​ന്ന​ത​നു​സ​രി​ച്ച്​ വി​ഭ​വ​ങ്ങ​ൾ​ക്ക് വി​ല വ​ർ​ധി​പ്പി​ക്കു​ന്ന ഹോ​ട്ട​ലു​കാ​ർ വി​ല കു​റ​യു​മ്പോ​ൾ അ​തി​ന്റെ ആ​നു​കൂ​ല്യം ജ​ന​ങ്ങ​ൾ​ക്ക് ന​ൽ​കാ​ൻ മ​ടി​ക്കു​ന്നു. ചി​ക്ക​ന്‍ ക​റി, ഫ്രൈ, ​ഷ​വ​ര്‍മ, ഷ​വാ​യ് തു​ട​ങ്ങി​യ വി​ഭ​വ​ങ്ങ​ള്‍ക്ക് കോ​ഴി​വി​ല വ​ർ​ധി​ച്ച​പ്പോ​ൾ വി​ല കൂ​ട്ടി​യ​ത് അ​ടു​ത്തി​ടെ​യാ​ണ്.

ഒ​രു കി​ലോ കോ​ഴി​യി​റ​ച്ചി​ക്ക് പ​ത്തോ ഇ​രു​പ​തോ രൂ​പ വ​ർ​ധി​ച്ചാ​ൽ ഹോ​ട്ട​ലു​കാ​ർ വി​ഭ​വ​ങ്ങ​ൾ​ക്ക് അ​തി​ന്റെ മൂ​ന്നി​ര​ട്ടി വി​ല വ​ർ​ധി​പ്പി​ക്കും. ചി​ക്ക​ൻ ഫ്രൈ​ക്ക് ഗ്രാ​മ​ങ്ങ​ളി​ലെ ഹോ​ട്ട​ലു​ക​ളി​ൽ 120 രൂ​പ വി​ല​യു​ണ്ടാ​യി​രു​ന്ന​പ്പോ​ൾ കോ​ഴി ഇ​റ​ച്ചി വി​ല പ​ത്തു രൂ​പ കി​ലോ​ക്ക് വ​ർ​ധി​ച്ച​പ്പോ​ൾ 200 ഗ്രാം ​വ​രു​ന്ന ഫ്രൈ​യു​ടെ വി​ല 140 രൂ​പ​യാ​യാ​ണ് ഹോ​ട്ട​ലു​കാ​ർ വ​ർ​ധി​പ്പി​ച്ച​ത്.