റോഡ് ചട്ടങ്ങള് 2017-ല് സമഗ്രമായി പരിഷ്കരിക്കപ്പെട്ടപ്പോള് clause 29 കൂട്ടിച്ചേര്ക്കുക വഴി ഇത്തരത്തിലുള്ള പെരുമാറ്റം നിയമപരമായി തന്നെ നിരോധിച്ചിട്ടുണ്ട്. അപകടത്തിന് ശേഷം ശാന്തതയോടെ പെരുമാറുകയും മറ്റേവാഹനത്തിലെ ഡ്രൈവറോടോ യാത്രക്കാരോടൊ മോശമായി പെരുമാറുകയോ അപായപ്പെടുത്തിയേക്കാവുന്നതോ ആയ പ്രവര്ത്തികളില് ഏര്പ്പെടുകയോ ചെയ്യരുത്.
അപകടത്തില് പെട്ട വാഹനങ്ങളുടെ ഫോട്ടോ എടുക്കുകയും വാഹനം മാര്ഗ്ഗ തടസ്സമുണ്ടാകാത്ത രീതിയില് മാറ്റിയിടുകയും ചെയ്തതിന് ശേഷം അഡ്രസ്, ഫോണ് നമ്പര്, ലൈസന്സിന്റെയും ഇന്ഷൂറന്സിന്റെയും വിവരങ്ങള് എന്നിവ പരസ്പരം കൈമാറുകയും ചെയ്യണം. ഹോസ്പിറ്റലില് പോകേണ്ടുന്ന സന്ദര്ഭങ്ങള് ഒഴിച്ച് സൗഹൃദ രീതിയിലുള്ള ഒത്ത് തീര്പ്പിന് കഴിയുന്നില്ലെങ്കില് പോലീസ് എത്തി നടപടി സ്വീകരിക്കുന്നത്വരെ സ്ഥലത്ത് തുടരുകയും ചെയ്യേണ്ടതാണ്. അപകടത്തിന് ശേഷം ആദ്യം ചോദിക്കേണ്ടുന്ന വാചകം: 'ആര് യൂ ഓക്കെ..' എന്നതാവണം..
Post a Comment