കാരശ്ശേരി : ഒറ്റക്കണ്ണൻ പോക്കരും , മണ്ടൻ മുത്തപ്പയും , സൈനബയും, നബീസുവും സ്റ്റേജിൽ നിറഞ്ഞു കളിച്ചു. ഇഷ്ട കഥാപാത്രങ്ങളുടെ അഭിനയ മികവിൽ ലയിച്ച് വിദ്യാർത്ഥികൾ ഹർഷാരവം മുഴക്കി. സ്റ്റേജിൽ നിന്നിറങ്ങിയ അഭിനേതാക്കളെ കെട്ടിപ്പിടിച്ചും വാനിലുയർത്തിയും പ്രിയ കഥാകാരനോടുള്ള സ്നേഹം കുട്ടികൾ പ്രകടിപ്പിച്ചു. കാരശ്ശേരി എച്ച്.എൻ.സി.കെ എം എ യു പി സ്കൂളിലാണ് വികാരഭരിതമായ രംഗം അരങ്ങേറിയത്.
അഭിനേതാക്കളുടെ വേഷവും അഭിനയവും മുഖഭാവവുമെല്ലാം മികച്ചു നിന്നപ്പോൾ കഥാപാത്രങ്ങൾ ജീവനോടെ വന്നു നിൽക്കുന്നതായി കുട്ടികൾക്ക് അനുഭവപ്പെട്ടു. ഓരോ കഥാപാത്രങ്ങളോടും കുശലങ്ങൾ ചോദിച്ചും തൊട്ടു നോക്കിയും കൈ പിടിച്ച് അഭിനന്ദിച്ചുമാണ് കുട്ടികൾ പിരിഞ്ഞു പോയത്.
പി.യു. ഷാഹിർ , ഖദീജ നസിയ, അർച്ചന .കെ, ഷഫ്ന കെ.ടി, അതുൽ മാത്യു തുടങ്ങിയവർ നേതൃത്വം നൽകി
Post a Comment