തിങ്കളാഴ്‌ച വൈകുന്നേരം അഞ്ചരയോടെയാണ് സംഭവം. സുഹൃത്തിൻ്റെ വീട്ടു മുന്നിൽ റോഡരികിൽ നിൽക്കുകയായിരുന്ന അനുവിനെ ബൈക്കിലെത്തിയ ആർഎസ്എസ് പ്രവർത്തകർ വെട്ടുകയായിരുന്നു. കൈ കൊണ്ട്‌ തടയാൻ ശ്രമിച്ച അനുവിന്റെ കൈയ്യിലും ചെവിയിലും ഗുരുതരമായി പരിക്കേറ്റു. വാൾ തിരിച്ച് പിടിച്ച്‌ അനുവിന്റെ കാലിൽ അടിച്ചും പരിക്കേൽപ്പിച്ച സംഘം പ്രദേശത്ത്‌ ഭീതി പരത്തി.
നാട്ടുകാർ ഓടിക്കൂടിയതോടെയാണു ആർഎസ്എസ്- ബിജെപി പ്രവർത്തകർ പിൻവാങ്ങിയത്‌. ഗുരുതര പരിക്കേറ്റ അനുവിനെ പാലക്കാട്‌ ജില്ലാ ആശുപത്രിയിലെത്തിച്ചു. സംഭവത്തിൽ പുതുശേരി സ്വദേശികളായ ആറു ആർഎസ്എസ് പ്രവർത്തകർക്കെതിരെ കസബ പൊലീസ്‌ കേസെടുത്തു.
Post a Comment