അങ്കണവാടി പ്രവേശനോത്സവം ഉദ്ഘാടനം ചെയ്തു

മുക്കം നഗരസഭയിൽ അങ്കണവാടി പ്രവേശനോത്സവം നഗരസഭാ ചെയർമാൻ പി.ടി. ബാബു ഉദ്ഘാടനം ചെയ്തു. കുറ്റിപ്പാല അങ്കണവാടിയിൽ നടന്ന ചടങ്ങിൽ ഡെപ്യൂട്ടി ചെയർപേഴ്സൺ കെ.പി. ചാന്ദ്നി അധ്യക്ഷത വഹിച്ചു. ചെണ്ടമേളത്തിന്റെ അകമ്പടിയോടെ സമ്മാനങ്ങൾ നൽകിയാണ് കുട്ടികളെ സ്വീകരിച്ചത്.

സ്റ്റാൻ്റിംഗ് കമ്മിറ്റി ചെയർമാൻ വി. കുഞ്ഞൻ, ഇ. സത്യനാരായൺ, പ്രജിതാ പ്രദീപ്, കൗൺസിലർമാരായ കെ. ബിന്ദു, ജോഷില സന്തോഷ്, അശ്വതി സനൂജ് തുടങ്ങിയവർ പങ്കെടുത്തു.