ആംബുലൻസിനും മറ്റു വാഹനങ്ങൾക്കും പെട്ടെന്ന് രോഗികളെ എത്തിക്കാൻ സൗകര്യത്തിന് ഒരു മാസം മുൻപാണ് അത്യാഹിത വിഭാഗം പിഎംഎസ്എസ്വൈ ബ്ലോക്കിലേക്ക് മാറ്റിയത്. അതോടെ പുതിയ സ്ഥലത്തും അത്യാഹിത വിഭാഗത്തിനു മുൻവശം അപകടമേഖലയായി മാറി. പുതിയ ബ്ലോക്കിലെ പ്രധാന കവാടത്തിനരികിലും റോഡരികിലും കാൽനടയാത്രയും ദുരിതപൂർണമായി. റോഡരികിലെ നടപ്പാത കയ്യേറി നിർമിച്ച താൽക്കാലിക കച്ചവട ഷെഡുകളും ഇവിടെ ഗതാഗതത്തിനു ബുദ്ധിമുട്ടുണ്ടാക്കുന്നതായി ജനങ്ങൾ പറയുന്നു. ഇതിനെതിരെ പരിസരത്തുള്ളവരും ആശുപത്രി അധികൃതരും കോർപറേഷന് പരാതി നൽകിയിരുന്നു.
അസി.കമ്മിഷണർ, ട്രാഫിക് പൊലീസ്
ആശുപത്രിക്ക് മുൻപിൽ കാൽനട യാത്രക്കാരുടെ സൗകര്യത്തിനു 2 ഓവർപാസ് നിർമിക്കേണ്ടിവരും. അത്യാഹിത വിഭാഗം പുതിയ ബ്ലോക്കിലേക്ക് മാറ്റിയ സാഹചര്യത്തിൽ നിലവിലുള്ള ഓവർപാസ് പൊളിച്ചു നീക്കണം. ഇതുമായി ബന്ധപ്പെട്ട് കോർപറേഷൻ സെക്രട്ടറിക്കു തിങ്കളാഴ്ച കത്തുനൽകും.
എം.എൽ.ബെന്നിലാലു (ഇൻസ്പെക്ടർ, മെഡിക്കൽ കോളജ് പൊലീസ് സ്റ്റേഷൻ)
പുതിയ ബ്ലോക്കിൽ ആരംഭിച്ച അത്യാഹിത വിഭാഗത്തിന്റെ ഗേറ്റിനു കിഴക്കുവശം അനധികൃതമായി മറച്ചുകെട്ടി കച്ചവടം നടത്തുന്നത് വഴിയാത്രക്കാർക്കും മറ്റു വാഹനങ്ങൾക്കും ബുദ്ധിമുട്ടുണ്ടാക്കിയിട്ടുണ്ട്. മാത്രമല്ല പുതിയ ബ്ലോക്കിനു പുറത്ത് സ്വകാര്യ കാറുകൾ പാർക്ക് ചെയ്യുന്നതും യാത്രാ തടസ്സം സൃഷ്ടിക്കുന്നു. അനധികൃത കച്ചവടവും പാർക്കിങ്ങും മാറ്റാൻ അടുത്ത ദിവസം കോർപറേഷൻ, പൊലീസ്, മറ്റു വകുപ്പുകൾ, ഡ്രൈവർമാർ, പരിസരവാസികൾ, വ്യാപാരികൾ എന്നിവരുടെ സംയുക്ത യോഗം ചേർന്ന് നടപടിയെടുക്കും.
കടപ്പാട് മനോരമ
Post a Comment