യുഡിഎഫ് സ്ഥാനാര്‍ഥി ചാണ്ടി ഉമ്മന്റെ വാഹന പര്യടനം ഇന്ന് സമാപിക്കും. അകലക്കുന്നം പഞ്ചായത്തില്‍ ആണ് അവസാന ദിവസ പര്യടനം. വൈകിട്ട് 6.30ന് മണല്‍ ജംഗ്ഷനിലാണ് പര്യടനം സമാപിക്കുക. സമാപന സമ്മേളനം രമേശ് ചെന്നിത്തല ഉദ്ഘാടനം ചെയ്യും. മണ്ഡലത്തില്‍ ഇന്ന് പ്രചാരണത്തിനായി ശശി തരൂരും എത്തുന്നുണ്ട്. വൈകിട്ട് നാലിനു മണര്‍കാട് മുതല്‍ പാമ്ബാടിവരെ തരൂരിന്റെ റോഡ് ഷോ ഉണ്ടാകും. എഐസിസി ജനറല്‍ സെക്രട്ടറി കെ സി വേണുഗോപാല്‍ മീനടത്തും പാമ്പാടിയിലും പരിപാടികളില്‍ പങ്കെടുക്കും.
എന്‍ഡിഎ സ്ഥാനാര്‍ഥി ലിജിന്‍ലാല്‍ ഇന്നും വാഹന ജാഥയോടെയാണ് പഞ്ചായത്തുകളില്‍ പ്രചാരണത്തിന് എത്തിക്കൊണ്ടിരിക്കുന്നത്. കേന്ദ്ര മന്ത്രി വി മുരളീധരന്‍ ആണ് ഇന്നത്തെ പ്രചാരണത്തിന് നേതൃത്വം നല്‍കുന്നത്. ദേശീയ വക്താവ് അനില്‍ ആന്റണി സംസ്ഥാന അധ്യക്ഷന്‍ കെ സുരേന്ദ്രന്‍ അടക്കമുള്ള നേതാക്കള്‍ പ്രചാരണത്തിനായി മണ്ഡലത്തില്‍ ഉണ്ട്.
Post a Comment