സ്വാഭാവിക അഭിനയത്തിലൂടെ വളരെ പെട്ടന്നാണ് വിനോദ് തോമസ് മലയാളി പ്രേക്ഷകർക്ക് പ്രിയങ്കരനായത് . അയ്യപ്പനും കോശിയിലെ സെബാസ്റ്റ്യൻ എന്ന കഥാപാത്രം വിനോദിന് പ്രേക്ഷകപ്രീതി നേടിക്കൊടുത്തു.
1977 ഫെബ്രുവരി 28 നു പത്തനംതിട്ടയിലെ പെരുമ്പെട്ടിയിൽ ജനനം.
വട്ടക്കുന്ന് എൽ.പി സ്കൂൾ , കോട്ടാങ്ങൽ യു .പി സ്കൂൾ ,എം .ജി.എം ഹൈസ്കൂൾ പാമ്പാടി, ഗവ സമിതി ഹൈസ്കൂൾ മേലഡൂർ എന്നിവിടങ്ങളിലായിരുന്നു സ്കൂൾ വിദ്യാഭ്യാസം. കോട്ടയം ബസേലിയസ് കോളേജിലെ പ്രീഡിഗ്രി പഠന ശേഷം ചെന്നൈ അഡയാർ ഫിലിം ഇൻസ്റ്റിട്യൂട്ടിൽ ചേർന്ന് ആക്ടിങ് കോഴ്സ് പൂർത്തിയാക്കി .
ആദ്യ സിനിമയായ "നത്തോലി ഒരു ചെറിയ മീനല്ല' യ്ക്ക് ശേഷം തുടർച്ചയായി ചെറിയ വേഷങ്ങൾ ചെയ്തു ശ്രദ്ധേയനായി . ലളിതം സുന്ദരം,ഗോഡ്സ് ഓൺ കൺട്രി, ജോൺപോൾ വാതിൽ തുറക്കുന്നു, ഒരു മുറൈ വന്തു പാർത്തായാ, ഹാപ്പിവെഡിങ് , മറുപടി, അയാൾ ശശി, ഒരായിരം കിനാക്കളാൽ, തരംഗം, കുട്ടൻപിള്ളയുടെ ശിവരാത്രി, നോൺസെൻസ്, ജൂൺ, ജനമൈത്രി, അയ്യപ്പനും കോശിയും , കുറി തുടങ്ങി നിരവധി സിനിമകളിൽ വേഷമിട്ടിരുന്നു .
Post a Comment