ചാത്തമംഗലത്ത് ബസ് അപകടം നിരവധി പേർക്ക് പരിക്ക്

ചാത്തമംഗലം:ചാത്തമംഗലത്ത് ബസ് നിയന്ത്രണം വിട്ടു മരത്തിൽ ഇടിച്ചതിനെ തുടർന്ന് നിരവധി പേർക്ക് പരിക്ക്.നിലമ്പൂരിൽ നിന്നും കോഴിക്കോട്ടേക്ക് പോവുകയായിരുന്ന സ്വകാര്യ ബസ്സാണ് അപകടത്തിൽപ്പെട്ടത് വൈകിട്ട് 3:00 മണിക്കായിരുന്നു അപകടം.അപകടത്തിൽ ഇരുപതോളം പേർക്ക് പരിക്കേറ്റുള്ളതായും പരിക്കേറ്റവരെ മണാശ്ശേരിയിലെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയും ചെയ്തു.ആരുടെയും പരിക്ക് ഗുരുതരമല്ലെന്നാണ് ആശുപത്രിവൃത്തങ്ങൾ അറിയിച്ചത്.

പ്രദേശവാസികളും മുക്കം ഫയർ യൂണിറ്റും ചേർന്നാണ് രക്ഷാപ്രവർത്തനം നടത്തിയത്.

ബസ്സിന്റെ മുൻഭാഗം പൂർണ്ണമായും തകർന്നിട്ടുണ്ട്.അപകടത്തെത്തുടർന്ന് ഇതുവഴി ഏറെനേരം ഗതാഗതം തടസ്സപ്പെട്ടു.

ശക്തമായ മഴയിൽ നിയന്ത്രണം തെറ്റിയതാണ് അപകടകാരണം എന്നാണ് പ്രാഥമിക വിവരം.