സ്ട്രോങ് ഗ്രൂപ്പ് എന്ന പേരിൽ കുവൈറ്റിലെ അറബി വിദ്യാർഥികൾക്കായി നടത്തുന്ന പ്രത്യേക വ്യക്തിഗത നൈപുണ്യ വികസന പരിപാടികൾക്ക് അനുയോജ്യമായ സ്ഥലങ്ങൾ തിരഞ്ഞെടുക്കുന്നതിനായുള്ള യാത്രയുടെ ഭാഗമായാണ് കുവൈറ്റ് ടൂർ ഓപ്പറേറ്ററായ മുഹമ്മദ് അൽ ശമരിയും സംഘവും തിരുവമ്പാടി ഫാംടൂറിസ സർക്യൂട്ട് സന്ദർശിച്ചത്. കേരളത്തിന്റെ തെക്കൻ മേഖലയിൽ എല്ലാ വർഷവും ഇവരുടെ നല്പതംഗ സംഘം രണ്ടാഴ്ച നീളുന്ന ടൂർ പ്രോഗ്രാം നടത്തിവരുന്നുണ്ട്. ഇത്തരം ഗ്രൂപ്പുകൾക്ക് വടക്കൻ കേരളത്തിൽ സാധ്യതകൾ കൂടുതലാണെന്ന് ഗ്രൂപ്പിനെ അനുഗമിച്ച ഗേറ്റ് വേ മലബാർ ഹോളിഡേയ്സ് എംഡി ജിഹാദ് ഹുസൈൻ അഭിപ്രായപെട്ടു. ഫാം ടൂറിസത്തിന്റെ പ്രവർത്തനങ്ങളിൽ സംഘം തൃപ്തി രേഖപ്പെടുത്തി.
കടലുണ്ടി കണ്ടൽ വനയാത്ര, ചാലിയാറിലെ ജെല്ലി ഫിഷ് കയാക്കിംഗ്, കോഴിക്കോട് നഗരത്തിലെ ഹെറിറ്റേജ് വാക്ക്, വടകര സർഗാലയ, മിഠായി തെരുവിലെ സായാഹന നടത്തം തുഷാരഗിരി വെള്ളച്ചാട്ടം എന്നിവയും സംഘം പരിചയപ്പെട്ടു. വയനാട്ടിലെ വിവിധ സ്ഥലങ്ങളും വെൽനെസ് റിസോർട്ടുകളും സന്ദർശിക്കുന്ന സംഘം ഊട്ടിയും കർണാടകയിലെ വിവിധ സ്ഥലങ്ങളും സന്ദർശിക്കുന്നുണ്ട്.
Post a Comment