ജെ ആർ സി കൌൺസിലർ സംഗമം

മുക്കം ഉപജില്ല ജെ ആർ സി കൗൺസിലർമാരുടെ ഏകദിന ഓറിയന്റേഷൻ പ്രോഗ്രാം മുക്കത്ത് വെച്ച് നടന്നു. ഉപജില്ലയിലെ മുഴുവൻ സ്കൂളുകളിലെയും അധ്യാപകർക്കായി നടത്തിയ സംഗമം ഉപജില്ലാ വിദ്യാഭ്യാസ ഓഫീസർ ടി. ദീപ്തി ഉദ്ഘാടനം ചെയ്തു. നേതൃഗുണം, റെഡ്ക്രോസിന്റെ പ്രാധാന്യം , ജെ ആർ സി ടിപ്സ്, പ്രഥമ ശുശ്രൂഷ എന്നീ വിഷയങ്ങളിൽ സി.കെ. വിജയൻ(മുൻ ബി പി ഒ ), കെ.രാജേന്ദ്രകുമാർ (റെഡ്ക്രോസ് കോഴിക്കോട്), പി.അബ്ദുറഹ്‌മാൻ (ജെ.ആർ.സി ട്രെയ്നർ ), രഞ്ജീവ് കുറുപ്പ് (ബി.എൽ. എസ് ദേശീയ ട്രെയിനർ ) തുടങ്ങിയവർ പരിശീലനം നൽകി. മുക്കം ഗ്രെയ്സ് പാലിയേറ്റീവ് കെയർ നടത്തുന്ന ബിരിയാണി ചലഞ്ചിലേക്ക് കൗൺസിലർമാർ നൽകിയ സംഭാവന ചടങ്ങിൽ കൈമാറി. ജെ ആർ സി മുക്കം ഉപജില്ല പ്രസിഡണ്ട് പി.അബൂബക്കർ അധ്യക്ഷത വഹിച്ചു. ഖദീജ. പി , ഷിബിൻ, സിജു, സീന, ഷിംന, ദീപ, ഷമീമ തുടങ്ങിയവർ സംസാരിച്ചു. ദിൽഷാദ്. സി ടി സ്വാഗതവും ടി പി അബൂബക്കർ നന്ദിയും പറഞ്ഞു.