ഖുര്‍ആന്‍ തൊട്ട് സത്യം ചെയ്യാറുള്ള ജലീല്‍ എന്തുകൊണ്ട് അത് ചെയ്തില്ല';ഫിറോസിനെതിരായ ആരോപണത്തിൽ പികെ അബ്ദുറബ്ബ്

കോഴിക്കോട്: പി കെ ഫിറോസ്- കെ ടി ജലീല്‍ തര്‍ക്കത്തില്‍ പ്രതികരണവുമായി മുസ്ലീം ലീഗ് നേതാവും മുന്‍ വിദ്യാഭ്യാസ മന്ത്രിയുമായ പി കെ അബ്ദുറബ്ബ് രംഗത്ത്. മലയാളം സര്‍വകലാശാല വിവാദ ഭൂമി ഏറ്റെടുത്തത് തന്റെ കാലത്തല്ലെന്നാണ് പി കെ അബ്ദുറബ്ബിന്റെ വിശദീകരണം. ഇത്രയും വില കുറഞ്ഞ ഭൂമി ഉയര്‍ന്ന വിലയ്ക്ക് സര്‍ക്കാറിന് മറിച്ചുവിറ്റ വകയില്‍ കോടികളുടെ അഴിമതിയാണ് ആരോപിക്കപ്പെടുന്നതെന്നും യുഡിഎഫ് കാലത്താണെങ്കില്‍ എന്തുകൊണ്ട് പിന്നീട് ഉന്നത വിദ്യാഭ്യാസ മന്ത്രിയായിരുന്ന കെ.ടി ജലീല്‍ ആ അഴിമതി അന്വേഷിച്ചില്ല എന്നും അബ്ദുറബ്ബ് ചോദിച്ചു. ഖുര്‍ആന്‍ കൊണ്ടു വന്നു സത്യംചെയ്യാറുള്ള ജലീല്‍ എന്തുകൊണ്ട് ഇത്തവണ അത് ചെയ്തില്ലെന്നും അബ്ദുറബ്ബ് കൂട്ടിച്ചേര്‍ത്തു.