ചുഴലിക്കാറ്റ് ബുധനാഴ്ച്‌ചയാണ് കര തൊട്ടെങ്കിലും കാലാവസ്ഥാ വ്യതിയാനത്തിന്റെ പ്രത്യാഘാതങ്ങൾ തിങ്കളാഴ്ച മുതൽ അനുഭവപ്പെട്ടു തുടങ്ങിയിരുന്നു. ശനിയാഴ്‌ചയോടെ താഴ്ന്ന പ്രദേശങ്ങൾ വെള്ളത്തിലായി. കെലാനി നദി വെള്ളിയാഴ്ച കരകവിഞ്ഞൊഴുകി. തീരത്ത് താമസിക്കുന്നവരോട് മാറിത്താമസിക്കാൻ അധികൃതർ നിർദേശം നൽകി. രാജ്യത്തിൻ്റെ മിക്ക ഭാഗങ്ങളിലും മഴയ്ക്ക് ശമനമുണ്ടായെങ്കിലും ഡിറ്റ് വാ ചുഴലിക്കാറ്റിന്റെ പ്രഭാവംമൂലം വടക്കൻ ഭാഗങ്ങളിൽ മഴ തുടരുകയാണ്.
ദുരിതാശ്വാസ പ്രവർത്തനങ്ങൾ ശക്തിപ്പെടുത്തുന്നതിനായി ശ്രീലങ്കൻ സർക്കാർ രാജ്യത്തുടനീളം സായുധ സേനയെ വിന്യസിച്ചിട്ടുണ്ട്. സൈനിക ഹെലികോപ്റ്ററുകളും ബോട്ടുകളും ഉപയോഗിച്ച് ഒറ്റപ്പെട്ടുപോയ താമസക്കാരെ രക്ഷപ്പെടുത്താനുള്ള ശ്രമങ്ങളും പുരോഗമിക്കുകയാണ്.
ശ്രീലങ്കയിൽ കനത്ത മഴയിലും വെളളപ്പൊക്കത്തിലുമുണ്ടായ ദുരന്തങ്ങളിൽ ഇന്ത്യൻ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തുകയും ദുരിതബാധിതർക്കായി സഹായവസ്തുക്കൾ വിമാനത്തിലെത്തിക്കുകയും ചെയ്തു. കൂടുതൽ സഹായം നൽകാൻ ഇന്ത്യ തയ്യറാണെന്നും അദ്ദേഹം എക്സിൽ കുറിച്ചു.
Post a Comment