ഐക്കൺസ് സ്മാഷ് ബാഡ്മിന്റൺ ടൂർണ്ണമെന്റ് 2025 ആവേശകരമായി സമാപിച്ചു.

കോടഞ്ചേരി: നെല്ലിപ്പൊയിൽ ഐക്കൺസ് ക്ലബ്ബിന്റെ ആഭിമുഖ്യത്തിൽ സംഘടിപ്പിച്ച 'ഐക്കൺസ് സ്മാഷ് ബാഡ്മിന്റൺ ടൂർണമെന്റ് 2025' പുലിക്കയം മരിയൻ ഇൻഡോർ സ്റ്റേഡിയത്തിൽ വെച്ച് ആവേശകരമായി സമാപിച്ചു.

ശനിയാഴ്ച വൈകുന്നേരം 5:30-ഓടെ ആരംഭിച്ച ടൂർണമെന്റിൽ ആദ്യ റൗണ്ട് മത്സരങ്ങൾക്ക് ശേഷം രാത്രി 8 മണിയോടെ ഉദ്ഘാടന ചടങ്ങുകൾ നടന്നു.

​ആറാം വാർഡ് മെമ്പർ വിൽസൺ തറപ്പേൽ ടൂർണമെന്റ് ഉദ്ഘാടനം ചെയ്തു. 

ക്ലബ്ബ് സെക്രട്ടറി ആദർശ് ജോയ് അധ്യക്ഷത വഹിച്ച ചടങ്ങിൽ ട്രഷറർ അജോ അവണ്ണൂർ സ്വാഗതമാശംസിച്ചു. വലിയകൊല്ലി അൽഫോൻസ പള്ളി വികാരി ഫാദർ ജിയോ പുതുശ്ശേരി അനുഗ്രഹപ്രഭാഷണവും ക്രിസ്മസ് കേക്ക് മുറിക്കലും നിർവ്വഹിച്ചു. കോഴിക്കോട് റൂറൽ എ.ടി.എസ് (ATS) ജിനേഷ് കുര്യൻ ആശംസകൾ അറിയിച്ചു സംസാരിച്ചു. ക്ലബ്ബ് മെമ്പർ ജിനു കയത്തുങ്കൽ നന്ദി രേഖപ്പെടുത്തി.

​രണ്ട് വിഭാഗങ്ങളിലായി നടന്ന മത്സരങ്ങളിൽ 40-ഓളം ടീമുകൾ മാറ്റുരച്ചു.

*​മത്സര ഫലങ്ങൾ:*

​1.*പ്രാദേശിക വിഭാഗം (24 ടീമുകൾ):* 

​ഒന്നാം സ്ഥാനം: അഭിനന്ദ് & ജുൽസിത്ത് (BASTON) - ₹3000 + ട്രോഫി

​രണ്ടാം സ്ഥാനം: സേട്ടു & പാർട്ണർ (PSFA) - ₹2000 + ട്രോഫി (സമ്മാനങ്ങൾ സ്പോൺസർ ചെയ്തത്: ജോർലിൻ ഉടുമ്പനാട്ട്)

​സെമി ഫൈനലിസ്റ്റുകൾ: വിഷ്ണു & പാർട്ണർ (Match Point Mukkam), ഷാഹിൽ & ഷഫീഖ് (DAYA)

​2. *D65+ വിഭാഗം (16 ടീമുകൾ):*

​ഒന്നാം സ്ഥാനം: ഡിവോൺ & ജലീൽ (DAYA) - ₹4000 + ട്രോഫി

​രണ്ടാം സ്ഥാനം: മുന്ന & പ്രേംജിത് - ₹2000 + ട്രോഫി

​സെമി ഫൈനലിസ്റ്റുകൾ: അഖിൽ & വിപിൻ (PRIMOS), സുദീപ് & പാർട്ണർ (PRIMOS)

​രണ്ട് വിഭാഗങ്ങളിലെയും സെമി ഫൈനലിസ്റ്റുകൾക്കുള്ള ട്രോഫികൾ സർജു കുളപ്പുറത്ത്  സ്പോൺസർ ചെയ്തു. വിജയികൾക്കുള്ള ക്യാഷ് പ്രൈസും ട്രോഫികളും ക്ലബ് ഭാരവാഹികളായ റോജൻ വലിയമറ്റം, അജോ അവണ്ണുർ, ആദർശ് ജോയ്, ഷോൺ മണ്ണൂർ, മിഥുൽ, അഭിജിത്, ജിനേഷ് എന്നിവർ ചേർന്ന് വിതരണം ചെയ്തു.

​മത്സരത്തിനോട് അനുബന്ധിച്ച് നടന്ന സമ്മാന കൂപ്പൺ നറുക്കെടുപ്പിൽ അൻസാർ കമ്പളക്കാട് (ഒന്നാം സമ്മാനം), അമീലിയ അജോ (രണ്ടാം സമ്മാനം), രാഹുൽ പ്രിമോസ് (മൂന്നാം സമ്മാനം), അപ്പു കോഴിക്കുന്നേൽ (നാലാം സമ്മാനം), ഷോൺ സണ്ണി (അഞ്ചാം സമ്മാനം) എന്നിവർ വിജയികളായി.

​ടൂർണമെന്റിന്റെ വിജയത്തിനായി സഹകരിച്ച സ്പോൺസർമാരായ ജി-ടെക് (G-TEC) കമ്പ്യൂട്ടർ എഡ്യൂക്കേഷൻ (തിരുവമ്പാടി & കൈതപ്പൊയിൽ), ഹണിറോക്ക് റിസോർട്ട് - തുഷാരഗിരി, മലബാർ ഗ്ലാസ്, ഹാർഡ്‌വെയർ & ഇന്റീരിയേഴ്സ് - കോടഞ്ചേരി, എ-വൺ ടൂൾസ് (A-One Tools) - മിൽ മുക്ക്, ബീറ്റ്സ് ഓഫ് ഡിസൈൻ ഗ്രാഫിക്സ് ഡിസൈൻ (Beats of Design) എന്നിവർക്ക് ക്ലബ് ഭാരവാഹികൾ നന്ദി അറിയിച്ചു. 

നാടിന്റെ കായിക മുന്നേറ്റത്തിന് കരുത്തുപകരുന്ന ഇത്തരം മത്സരങ്ങൾ വരും വർഷങ്ങളിലും തുടരുമെന്ന് ക്ലബ്ബ് ഭാരവാഹികൾ കൂട്ടിചേർത്തു.