സ്‌കൂളിലെ ഒന്നുമുതൽ നാലുവരെയുള്ള ക്ലാസുകളിലെ വിദ്യാർത്ഥികൾ തയ്യാറാക്കിയ ഇംഗ്ലീഷ്, മലയാളം ഭാഷകളിലെ കയ്യെഴുത്തു പതിപ്പുകൾ ചടങ്ങിൽ പ്രകാശനം ചെയ്തു. സ്കൂൾ ഗ്രൗണ്ടിൽ വച്ച് ഓരോ കുട്ടികളും തങ്ങൾ തയ്യാറാക്കിയ പതിപ്പുകൾ ഉയർത്തിപ്പിടിച്ചത് കുട്ടികളിലും കാഴ്ചക്കാരിലും ആവേശം പടർത്തി. എഴുത്തിലും വരയിലും വിന്യാസത്തിലും ഉള്ളടക്കത്തിലുമെല്ലാം ഒന്നിനൊന്ന് മെച്ചപ്പെട്ട വൈവിദ്ധ്യമാർന്ന, മനോഹരമായ പതിപ്പുകളാണ് വിദ്യാർത്ഥികൾ തയ്യാറാക്കിയത്. പാഠഭാഗങ്ങളുമായി ബന്ധപ്പെട്ടവയും പുറമെയുള്ളവയും പൊതുവിജ്ഞാനങ്ങളുമെല്ലാം ഇവയിൽ ഉൾക്കൊള്ളിച്ചിട്ടുണ്ട്. വായനാചെപ്പ്, ഹലോ ഇംഗ്ലീഷ് എന്നിങ്ങനെയാണ് കയ്യെഴുത്തു പതിപ്പുകൾക്കു നൽകിയ പേര്. സ്‌കൂളിൽ വരുന്ന അച്ചടിമാധ്യമങ്ങളെ അടിസ്ഥാനമാക്കിയുള്ള ദിനേനയുള്ള ക്വിസ് മത്സരത്തിന്റെ ഭാഗമായി മെഗാ ക്വിസ് മത്സര വിജയികളെയും തെരഞ്ഞെടുത്തു.
പി.ടി.എ വൈസ് പ്രസിഡന്റ് കെ ലുഖ്മാനുൽ ഹഖീം, എം.പി.ടി.എ ചെയർപേഴ്‌സൺ കമറുന്നീസ മൂലയിൽ, പ്രധാനാദ്ധ്യാപിക ജാനിസ് ജോസഫ്, സ്റ്റാഫ് സെക്രട്ടറി ജി ഷംസു മാസ്റ്റർ, ഹബീബ ടീച്ചർ തുടങ്ങിയവർ സംസാരിച്ചു. വിവിധ മേഖലകളിൽ മിടുക്ക് തെളിയിച്ച വിദ്യാർത്ഥികൾക്ക് ഉപഹാരങ്ങളും നൽകി. വിദ്യാർത്ഥികൾക്കും രക്ഷിതാക്കൾക്കുമായി കയ്യെഴുത്തു പതിപ്പുകളുടെ പ്രദർശനവും സ്കൂൾ വരാന്തയിൽ നടന്നു. പിടിഎ പ്രസിഡന്റിന്റെ അധ്യക്ഷതയിൽ നടന്ന പരിപാടിക്ക് സീനിയർ അസിസ്റ്റന്റ് ഷഹനാസ് ടീച്ചർ, ഫിറോസ് മാസ്റ്റർ, ബിന്ദു ടീച്ചർ, റഹീം മാസ്റ്റർ, ഷീബ ടീച്ചർ, മുഫീദ ടീച്ചർ, വിപിന്യ ടീച്ചർ തുടങ്ങിയവർ നേതൃത്വം നൽകി.
എൽ.എസ്.എസ്, അൽമാഹിർ അറബിക് സ്‌കോളർഷിപ്പ് എന്നിവ നേടിയ കക്കാട് ജി.എൽ.പി സ്‌കൂളിലെ വിദ്യാർത്ഥികളെ അനുമോദിക്കുന്ന ചടങ്ങ് കാരശ്ശേരി ഗ്രാമപഞ്ചായത്ത് വൈസ് പ്രസിഡന്റ് എടത്തിൽ ആമിന ഉദ്ഘാടനം ചെയ്യുന്നു
കക്കാട് ജി.എൽ.പി സ്‌കൂളിലെ വിദ്യാർത്ഥികൾ തയ്യാറാക്കിയ ഹലോ ഇംഗ്ലീഷ്, വായനാച്ചെപ്പ് എന്നീ ഇംഗ്ലീഷ്, മലയാളം കയ്യെഴുത്ത് പതിപ്പുകളുടെ പ്രകാശനം സ്കൂൾ ഗ്രൗണ്ടിൽ നടന്നപ്പോൾ
പടം 3്--
കക്കാട് ജി.എൽ.പി സ്‌കൂളിലെ ഒന്നു മുതൽ നാലുവരെയുള്ള ക്ലാസുകളിലെ കുട്ടികൾ തയ്യാറാക്കിയ ഇംഗ്ലീഷ്, മലയാളം പതിപ്പുകളുടെ പ്രദർശനത്തിൽനിന്ന്
Post a Comment