വരുന്ന മൂന്നു നാല് ദിവസങ്ങൾക്കകം മധ്യ അറേബ്യൻ കടലിലും കേരളത്തിലാകെയും തമിഴ്നാട്ടിലും കർണാടകയിലുമുള്ള ചിലയിടങ്ങളിലും കാലവർഷമെത്തും. എന്നാൽ ആദ്യ ആഴ്ചകളിൽ മഴ കനക്കില്ല. ജൂൺ പകുതിയോടെ മാത്രമേ സംസ്ഥാനത്ത് മഴ ശക്തമാകൂ എന്നാണ് പ്രതീക്ഷിക്കുന്നത്. മേയ് 27-ന് കാലവർഷമെത്തിയേക്കാമെന്ന് മുമ്പ് കാലവസ്ഥാ വകുപ്പ് പ്രവചിച്ചിരുന്നു. പടിഞ്ഞാറൻ കാറ്റിന്റെ സജീവ സാന്നിധ്യം കൊണ്ടും മഴമേഘങ്ങളുടെ സാന്നിധ്യം കൊണ്ടും മേയ് 27-ന് മഴക്കാലം ആരംഭിക്കുമെന്നായിരുന്നു ആദ്യ പ്രവചനം. എന്നാൽ അതുണ്ടായില്ല.
കഴിഞ്ഞ രണ്ട് ദിവസങ്ങളിൽ കേരളത്തിലെ എല്ലാ ജില്ലകളിലെയും മഴമാപിനിയിൽ രണ്ടര മില്ലീമീറ്റർ മഴപെയ്തതായി രേഖപ്പെടുത്തിയതോടെയാണ് മഴക്കാലമായത് സ്ഥിരീകരിച്ചത്. അടുത്ത അഞ്ച് ദിവസം സംസ്ഥാനത്ത് ഇടിമിന്നലോടു കൂടിയ വ്യാപകമായ മഴയ്ക്ക് സാധ്യതയുണ്ട്. ബുധനാഴ്ചവരെ ഒറ്റപ്പെട്ട ശക്തമായ മഴക്കു സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.
Post a Comment