സോഷ്യൽ മീഡിയയിലൂടെയാണ് പ്രതിയായ ജിതീഷ് ആന്തൂരിലെ 15 കാരിയെ പരിചയപ്പെട്ടത്. ശനിയാഴ്ച രാവിലെ ഒമ്പത് മണിയോടെ സ്കൂളിലേക്കെന്ന് പറഞ്ഞ് വീട്ടിൽ നിന്നിറങ്ങിയ പെൺകുട്ടി പിന്നീട് തിരിച്ചെത്തിയില്ല. വൈകുന്നേരമായിട്ടും പെൺകുട്ടിയെ കാണാത്തതിനെ തുടർന്ന് വീട്ടുകാർ പൊലീസിൽ വിവരം അറിയിക്കുകയായിരുന്നു. പെൺകുട്ടി വളപട്ടണം റെയിൽവെ സ്റ്റേഷൻ പരിസരത്ത് എത്തിയതായി അന്ന് പോലീസിന് സൂചന ലഭിച്ചിരുന്നു.
തുടർന്ന് നടത്തിയ അന്വേഷണത്തിലാണ് കുട്ടിയെ പ്രതി ബംഗളൂരുവിലേക്ക് തട്ടിക്കൊണ്ടുപോയതായി കണ്ടെത്തിയത്. ബംഗളൂരുവിലെത്തിയ തളിപ്പറമ്പ് പൊലീസ് ഇരുവരെയും കസ്റ്റഡിയിലെടുത്തു. തളിപ്പറമ്പിലെത്തിച്ച ശേഷം പ്രതി ജിതീഷിന്റെ അറസ്റ്റ് രേഖപ്പെടുത്തി. ഇയാൾക്കെതിരെ തട്ടിക്കൊണ്ട് പോകൽ, പോക്സോ എന്നീ വകുപ്പ് പ്രകാരമാണ് കേസ് രജിസ്റ്റർ ചെയ്തത്.
Post a Comment