യൂറോപ്പിലും ഗള്‍ഫിലുമടക്കം വിദേശത്തും സ്വദേശത്തും വ്യത്യസ്ത മേഖലയില്‍ പ്രവര്‍ത്തിക്കുന്ന നിരവധി പൂര്‍വ വിദ്യാര്‍ത്ഥികളാണ് പങ്കെടുക്കുന്നത്. കോളേജിന്റെ ആരംഭം മുതലുള്ള ബാച്ചുകളിലെ വിദ്യാര്‍ത്ഥികളെയും അദ്ധ്യാപകരെയും പങ്കെടുപ്പിക്കാനും നിരവധി കലാ പരിപാടികള്‍ അവതരിപ്പിക്കാനും ഈയവസരം ഉപയോഗപ്പെടുത്തും.
പൂര്‍വ വിദ്യാര്‍ത്ഥികളുടെയും കുടുംബത്തിന്റെയും ക്ഷേമവും സാമൂഹിക പ്രതിബദ്ധതയുള്ള വിഷയങ്ങളില്‍ സഹായവും മറ്റു ജീവകാരുണ്യ പ്രവര്‍ത്തനങ്ങളും നടത്തുക എന്ന ലക്ഷ്യത്തോടെയാണ് ഗ്ലോബല്‍ അലുംനി പ്രവര്‍ത്തിച്ചു വരുന്നത്.
യൂറോപ്പ്, സൗദി, ഖത്തര്‍, ദുബായ് എന്നിവിടങ്ങളില്‍ പൂര്‍വ വിദ്യാര്‍ത്ഥി കൂട്ടായ്മ സജീവമായി പ്രവര്‍ത്തിച്ചു വരുന്നു. ഒമാന്‍, ബാംഗ്ലൂര്‍ എന്നിവിടങ്ങളില്‍ കൂട്ടായ്മയുടെ രൂപീകരണം നടന്നു വരുന്നു. ലക്ഷക്കണക്കിനു വരുന്ന രൂപയുടെ ജീവകാരുണ്ണ്യ പ്രവര്‍ത്തനങ്ങളാണ് കോവിഡ് മഹാമാരിക്കാലത്തും നടപ്പിലാക്കിയത്.
പൂര്‍വ്വ പഠിതാക്കളില്‍ പ്രശസ്തരായവരെ ആദരിക്കല്‍, അവരെ പുതു തലമുറക്ക് പരിചയപ്പെടുത്തല്‍ പഠനത്തില്‍ മിടുക്കരും നിര്‍ദ്ധനരുമായ വിദ്യാര്‍ത്ഥികള്‍ക്ക് സ്‌കോളര്‍ഷിപ്പ് നല്‍കുക, ഫീസ് അടച്ചു സഹായിക്കുക, വിദേശത്തു മരണപ്പെട്ടവരുടെ മൃതദേഹം നാട്ടിലെത്തിക്കാന്‍ സഹായിക്കുക, അപകടത്തില്‍ പരിക്കേറ്റവരെ സഹായിക്കുക തുടങ്ങി നിരവധി ജീവകാരുണ്യ പ്രവര്‍ത്തനങ്ങള്‍ കൂട്ടായ്മ ചെയ്തുകൊണ്ടിരിക്കുന്നുണ്ട്.
നിലവിലെ വിദ്യാര്‍ത്ഥികള്‍ക്ക് കരിയര്‍ ഗൈഡന്‍സ്, പ്ലേസ്‌മെന്റ്, പൂര്‍വവിദ്യാര്‍ത്ഥികളില്‍ ഉന്നതങ്ങളില്‍ എത്തിയവരുമായുള്ള ആശയവിനിമയ ക്ലാസുകള്‍, മോട്ടിവേഷന്‍ ക്ലാസുകള്‍ എന്നിവ നടത്തിവരുന്നു.
കോളേജ് പ്രിന്‍സിപ്പല്‍ ഡോ. അബ്ബാസ് ടി.പി മുഖ്യ രക്ഷാധികാരിയാണ്. സംഗമത്തിന്റെ ലോഗോ പ്രകാശനം വൈസ് പ്രിന്‍സിപ്പല്‍ ഡോ. അബൂബക്കര്‍ മങ്ങാട്ടു ചാലില്‍ ഗ്ലോബല്‍ അലുംനി പ്രസിഡണ്ട് അഡ്വ. മുജീബ് റഹ്‌മാന് നല്‍കി നിര്‍വഹിച്ചു.
''പേര് നിര്‍ദ്ദേശിക്കാം സമ്മാനം നേടാം' മത്സരത്തില്‍ വിജയിയായ 2007 മൈക്രോ ബയോളജി ബാച്ചിലെ ഡാനിഷ് ഹുസൈന് യമഹ മുക്കം സമ്മാനം നല്‍കും. സംഗമത്തിന്റെ വിജയത്തിനായി വിപുലമായ സന്നാഹങ്ങളാണ് ഒരുക്കുന്നത്. വിവിധ ഉപ വകുപ്പുകള്‍ രൂപീകരിച്ച് പ്രവര്‍ത്തനം ആരംഭിച്ചു. ഗ്ലോബല്‍ അലുംനി വൈസ് പ്രസിഡണ്ട് അഷ്‌റഫ് വയലില്‍, ട്രഷറര്‍ ഫൈസല്‍ എം.എ, സെക്രട്ടറിമാരായ മുഫ്‌സിറ, നൗഫല്‍ ടി.എം, ടീച്ചര്‍ കോഡിനേറ്റര്‍ ഇര്‍ഷാദ് തുടങ്ങിയവരും പത്രസമ്മേളനത്തില്‍ പങ്കെടുത്തു. മീഡിയ കോഡിനേറ്റര്‍ റീന ഗണേഷ് സ്വാഗതവും സെക്രട്ടറി മുജീബ് ഇ.കെ നന്ദിയും പറഞ്ഞു.
ഫോട്ടോ...
മിലാപ്-22 പൂര്‍വവിദ്യാര്‍ഥി സംഗമത്തിന്റെ ലോഗോ പ്രകാശനം
Post a Comment