റബ്ബര്‍ തോട്ടത്തിന് തീ പിടിച്ചു. തീ അണക്കുന്നതിനിടെ സ്ഥലമുടമക്ക് ധാരുണാന്ത്യം

മാനന്തവാടി വരടിമൂല പുല്‍പ്പറമ്പില്‍ (കിഴക്കയില്‍ ) തോമസ് ആണ് മരണമടഞ്ഞത്. 77 വയസായിരുന്നു.ഇന്ന് 3.30തോടെ റബ്ബര്‍ തോട്ടത്തിലെ മാലിന്യത്തിന് തീ ഇട്ടപ്പോള്‍ തീ ആളി പടരുകയായിരുന്നു. നാട്ടുകാര്‍ ചേര്‍ന്ന് തീ അണക്കുന്നതിനിടെ തോമസ് തീയില്‍ അകപ്പെടുകയായിരുന്നു. ഫയര്‍ഫോഴ്‌സും നാട്ടുകാരും ചേര്‍ന്ന് തോമസിനെ വയനാട് മെഡിക്കല്‍ കോളേജില്‍ എത്തിച്ചെങ്കിലും മരണപ്പെടുകയായിരുന്നു.