അംഗൻവാടിയിൽ നിന്ന് ഹെൽപ്പർക്ക് പാമ്പുകടിയേറ്റു

ചാത്തമംഗലം: ഏരിമല അംഗൻവാടിയിൽ നിന്ന് ഹെൽപ്പർക്ക്‌ പാമ്പുകടിയേറ്റു. പരതപ്പൊയിൽ സ്വദേശി സുശീലക്കാണ് ഇന്നലെ രാവിലെ അംഗൻവാടിയിലെ അടുക്കളയിൽ നിന്ന് പാമ്പുകടിയേറ്റത്. അലമാരയിൽ നിന്ന് സാധനങ്ങൾ എടുക്കവേ മുഖത്തേക്ക് ചാടുകയായിരുന്നു.മുഖത്താണ് സാരമല്ലാത്ത കടിയേറ്റത്. കുട്ടികളാരും ആ സമയത്ത് എത്തിയിരുന്നില്ല.ഉടനെ അയൽവാസികളായ നാട്ടുകാർ ഇവരെ കോഴിക്കോട് മെഡിക്കൽ കോളേജിലെത്തിച്ചു. പാമ്പുപിടുത്തക്കാരനെ വരുത്തിച്ച് പാമ്പിനെ ഫോറസ്റ്റ് അധികൃതർക്ക് കൈമാറി.