ശുചിത്വ മിഷൻ സ്നേഹാരാമം പരിപാടിക്ക് മുക്കത്ത് തുടക്കമായി

മുക്കം :സംസ്ഥാന ശുചിത്വമിഷൻ നടപ്പിലാക്കിവരുന്ന സ്നേഹാരാമം പരിപാടിക്ക് മുക്കം എസ് കെ സ്മൃതികേന്ദ്രത്തിൽ തുടക്കമായി. മുക്കം വെക്കേഷണൽ ഹയർസെക്കൻഡറി സ്കൂളിലെ എൻഎസ്എസ് വളണ്ടിയർമാരും ബഹുസ്വരം സാംസ്കാരിക കൂട്ടായ്മയും റോട്ടറി ക്ലബ്ബും കൂടിച്ചേർന്ന് സ്മൃതി മന്ദിരം ശുചീകരിച്ചും പൂച്ചെടികൾ നട്ടുപിടിപ്പിച്ചുമാണ് പരിപാടിക്ക് തുടക്കമിട്ടത്.

കാരശ്ശേരി പഞ്ചായത്ത് വൈസ് പ്രസിഡണ്ട് ജംഷീദ് ഒളകര പരിപാടി ഉദ്ഘാടനം ചെയ്തു. പ്രോഗ്രാം ഓഫീസർ ഹസീന തയ്യിൽ അധ്യക്ഷയായി. ബഹുസ്വരം ചെയർമാൻ സലാം കാരമൂല,Dr മനോജ്, ജി അക്ബർ, മുക്കം സലീം തുടങ്ങിയവർ സംസാരിച്ചു.