ടോക്കിയോ: ജപ്പാനില് വൻ ഭൂചലനം. റിക്ടർ സ്കെയിലിൽ 7.6 തീവ്രത രേഖപ്പെടുത്തിയ ഭൂചലനമാണ് വടക്കൻ മധ്യ ജപ്പാനിൽ ഉണ്ടായത്. പബ്ലിക് ബ്രോഡ്കാസ്റ്റർ എൻഎച്ച്കെ ഇക്കാര്യം റിപ്പോർട്ട് ചെയ്തത്. ഇതേ തുടർന്ന് ജപ്പാൻ കാലാവസ്ഥാ ഏജൻസിയായ ഇഷികാവ, നിഗറ്റ, ടോയാമ എന്നീ തീരപ്രദേശങ്ങളിൽ സുനാമി മുന്നറിയിപ്പ് നൽകിയിട്ടുണ്ട്.പുതുവത്സര ദിനത്തിൽ ഉണ്ടായ ഭൂചലനം ടോക്കിയോയിലും കാന്റോ മേഖലയിലും അനുഭവപ്പെട്ടു. ആണവോർജ്ജ നിലയങ്ങളിൽ എന്തെങ്കിലും ക്രമക്കേടുകളുണ്ടായിട്ടുണ്ടോ എന്ന് രാജ്യത്തെ പവര് പ്ലാന്റുകള് പരിശോധിക്കും. ജപ്പാന് തീരപ്രദേശങ്ങളില് ഒരു മീറ്ററോളം ഉയരത്തില് തിരയടിച്ചതായും റിപ്പോര്ട്ട്.
Post a Comment