ആഘോഷങ്ങളുടെ ഭാഗമായി പൂക്കള മത്സരം,സുന്ദരിക്ക് പൊട്ട് തൊടൽ,വടംവലി എന്നിവ ഉൾപ്പടെയുള്ള വിവിധ കലാപരിപാടികളും സംഘടിപ്പിച്ചു.ജാതി മത ഭേദമില്ലാതെ സമത്വം എന്ന ആശയത്തെ മുൻനിർത്തി മലയാളികൾ ഒന്നടങ്കം ആഘോഷിക്കുന്ന ഓണ പരിപാടികൾ സ്കൂൾ പ്രിൻസിപ്പൽ വിജോയി തോമസ് ഓണസന്ദേശം നൽകി ഉദ്ഘാടനം ചെയ്തു.വാദ്യഘോഷങ്ങളുടെ അകമ്പടിയോടെ മാവേലിയെ വിദ്യാർത്ഥികൾ വരവേറ്റു.
ഓണാഘോഷത്തോടനുബന്ധിച്ച് നടത്തിയ മത്സരങ്ങളിൽ വിജയം കരസ്ഥമാക്കിയവർക്ക് പി.ടിഎ പ്രസിഡൻ്റ് റോക്കച്ചൻ പുതിയേടത്ത്,എക്‌സിക്യൂട്ടീവ് അംഗങ്ങൾ,അദ്ധ്യാപകർ എന്നിവർ ചേർന്ന് സമ്മാനങ്ങൾ വിതരണം ചെയ്തു.തുടർന്ന് വിദ്യാർത്ഥികൾക്കും,അദ്ധ്യാപകർക്കുമായി പി.ടി.എ യുടെ നേതൃത്വത്തിൽ പായസവിതരണം നടത്തി.
വരൾച്ചയും,പ്രളയവും,മഹാമാരിയും,ഉരുൾപൊട്ടലുമൊക്കെ പിന്നിട്ടിട്ടും നമ്മുടെ കേരള നാട് വർണ്ണങ്ങൾ ചാലിച്ച് പുഷ്പഗന്ധിയായി നിൽക്കുന്നു.ഈ ആകുലതകൾക്കിടയിൽ തോലടർന്ന് പിടിപൊട്ടിയ നമ്മുടെ മനസ്സുകളെ ചേർത്തു നിർത്താനും അതിൽ ചെത്തിയും,ചെന്താമരയുമൊക്കെ വിരിയിക്കുന്നതുമാവട്ടെ ഈ ഓണക്കാലം.
സ്റ്റാഫ് സെക്രട്ടറി സജി ജെ കരോട്ട്,ജനറൽ കൺവീനർ അഖിൽ ടോം മാത്യു,സ്കൂളിലെ അദ്ധ്യാപക-അനദ്ധ്യാപകർ,വിദ്യാർത്ഥികൾ എന്നിവർ ചേർന്ന് ഓണാഘോഷ പരിപാടികൾക്ക് നേതൃത്വം നൽകി.
Post a Comment