സ്കൂൾ പിടിഎ പ്രസിഡണ്ട് ഷിജി ആന്റണി അധ്യക്ഷത വഹിച്ച ഉദ്ഘാടന സമ്മേളനത്തിൽ കോടഞ്ചേരി ഗ്രാമപഞ്ചായത്ത് പ്രസിഡണ്ട് അലക്സ് തോമസ് ചെമ്പകശ്ശേരി ത്രിദിന സഹവാസ ക്യാമ്പ് എലെവേറ്റ്സ്സ് 2024നു ഭദ്രദീപം തെളിയിച്ച് ഉദ്ഘാടന കർമ്മം നിർവഹിച്ചു.
കോടഞ്ചേരി ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സിബി ചിരണ്ടായത്ത് മുഖ്യപ്രഭാഷണം നടത്തി. താമരശ്ശേരി സ്കൗട്ട് ഡിസ്ട്രിക്ട് കമ്മീഷണറും റിട്ടയേർഡ് ഹെഡ്മാസ്റ്ററുമായ സേവ്യർ വി ഡി സ്കൗട്ട്സ് ആൻഡ് ഗൈഡ്സ് പ്രസ്ഥാനത്തെക്കുറിച്ച് സംസാരിച്ചു. സ്കൂൾ ഹെഡ്മിസ്ട്രസ് സിസ്റ്റർ മെൽവിൻ എസ് ഐ സി അനുഗ്രഹ പ്രഭാഷണം നടത്തി.
മാനേജ്മെന്റ് പ്രതിനിധിയും അധ്യാപികമായ സി. സുധർമ്മ എസ്ഐ സി, ഹൈസ്കൂൾ വിഭാഗം സ്കൗട്ട് ആൻഡ് ഗൈഡ്സ് അദ്ധ്യാപകരായ രാധേഷ് ബാബു, അജയ് വിൽസൺ, സി. മഹിത എസ്ഐ സി, സി. വചന എസ്ഐ സി, ഹയർസെക്കൻഡറി വിഭാഗം അധ്യാപകനായ റോഷൻ ചാക്കോ എന്നിവർ ആശംസകൾ അറിയിച്ചു സംസാരിച്ചു.
സ്കൂൾ പ്രിൻസിപ്പൽ ബിബിൻ സെബാസ്റ്റ്യൻ ഏവർക്കും സ്വാഗതം ആശംസിച്ചു.
സ്കൗട്ട് മാസ്റ്റർ ജിൻസ് ജോസ് ത്രിദിന ക്യാമ്പ് പ്രവർത്തനങ്ങൾ വിശദീകരിച്ചു.
ഗൈഡ് ക്യാപ്റ്റൻ ഗ്ലാഡിസ് പി പോൾ ഏവർക്കും നന്ദി അറിയിച്ചു. രണ്ടാം വർഷ സയൻസ് വിദ്യാർത്ഥിനി ക്രിസ് മരിയ പ്രോഗ്രാം അംഗറിങ്ങിനു നേതൃത്വം നൽകി.
പ്ലസ് വൺ, പ്ലസ് ടു സ്കൗട്ട്സ് ആൻഡ് ഗൈഡ്സ് വിദ്യാർത്ഥികൾ ക്യാമ്പിൽ പങ്കെടുക്കുന്നു.
വിദ്യാർത്ഥികളുടെ വ്യക്തിത്വവികസനവും സമൂഹിക നന്മയ്ക്കുതകുന്ന വിവിധങ്ങളായ ക്ലാസ്സുകളും, ദ്വിതീയ സോപാൻ പരീക്ഷ മുന്നൊരുക്ക പരിശീലന പ്രവർത്തനങ്ങൾക്കും മുൻതൂക്കം നൽകുന്ന പ്രസ്തുത ക്യാമ്പ് 16/11/2024 ശനിയാഴ്ച ഉച്ചയോടെ സമാപിക്കും.
Post a Comment