കേരളാ പോലീസിന്റെ ചരിത്രത്തിൽ ആദ്യമായിട്ടായിരിക്കാം ഒരു നിയമസഭാംഗത്തിന്റെ ജീവിത പങ്കാളി പോലീസ് കോൺസ്റ്റബിളായി സേനയുടെ ഭാഗമാകുന്നത്. പൊതുരംഗത്ത് സജീവമായ ലിന്റോ ജോസഫിന് ലഭിക്കുന്ന അതേ പിന്തുണയും അഭിനന്ദനവുമാണ് അനുഷയുടെ ഈ നേട്ടത്തിനും ലഭിക്കുന്നത്.
പാസിങ് ഔട്ട് പരേഡിന് ശേഷം പോലീസ് യൂണിഫോമിൽ നിൽക്കുന്ന ഭാര്യയെ അഭിമാനത്തോടെ ചേർത്തുപിടിച്ച് അഭിനന്ദിക്കുന്ന എംഎൽഎയുടെ ചിത്രം ഇതിനോടകം തന്നെ നിരവധിപേർ ഏറ്റെടുത്തു കഴിഞ്ഞു. ജനസേവനത്തിന്റെ മറ്റൊരു വാതിൽ തുറക്കുകയാണ് അനുഷയുടെ ഈ ദൗത്യമെന്നാണ് സോഷ്യൽ മീഡിയയുടെ അഭിപ്രായം.
"എന്റെ അനു പോലീസായി..!! 😍അവളുടെ കഠിനാധ്വാനത്തിന്റെ ഫലം.ആശംസകൾ ഡിയർ ❤️" - എംഎൽഎ ലിന്റോ ജോസഫ് ഫേസ്ബുക്കിൽ കുറിച്ചു.
കേരളാ പോലീസിന്റെ ഭാഗമായ കെ. അനുഷയ്ക്ക് പൊതുസമൂഹത്തിന്റെ നാനാതുറകളിൽ നിന്നും അഭിനന്ദന പ്രവാഹമാണ് ലഭിക്കുന്നത്.
Post a Comment